NOVAS DESDE SENEGAL COA ONG DA MAN

 

Na escola temos a sorte de contar con familias voluntarias en diferentes proxectos e fixemos unha colaboración coa ONG "Da man". Verónica Abal, forma parte da directiva desta entidade. Colaboran de maneira voluntaria en labores médico-sanitarias  en Senegal, país ao que viaxa cada ano para participar en proxectos de colaboración internacional.

A nosa pequena achega a esta ONG consistiu en pintar mochilas para regalar aos nenos e nenas de Senegal, no mes de xaneiro.

Verónica xa voltou da súa viaxe e contounos como recibiron todos os nenos e nenas as nosas mochilas e tamén nos contou como é a vida neste país.

En agradecemento ao nosos agasallos os nenos e as nenas enviáronnos uns debuxos preciosos.

 MIL GRAZAS DA MAN!!

ASPANAEX: INCLUSIÓN NA ESCOLA

 Aspanaex é unha Asociación que traballa a favor das persoas con Discapacidade Intelectual da Provincia de Pontevedra.Visitaron o noso centro diferentes membros da asociación para explicarnos cales son as súas funcións na asociación e que tarefas desempeñan.

VISITA DA ESCOLA INFANTIL RÚA ARAGÓN

 Hoxe recibimos ao alumnado da Escola Infantil Rúa Aragón para unha segunda xornada de convivencia co voluntariado da biblioteca. Xuntos compartimos novas experiencias, risas e xogos.

Despois do recibimento realizamos catro obradoiros de cociña. Preparamos entre todos e todas o almorzo para compartir:

Continuamos cunha visita a nosa horta e despois compartimos tempo de lecer:

Continuamos a xornada de convivencia cunha xincana literaria: "Detectives entre libros"

Despedimos a xornada cunha técnica de relaxación:

Foi unha xornada moi inesquecible e emotiva.

GRAZAS ESCOLA INFANTIL DE RÚA ARAGÓN!

IRENE ALONSO VISITA O COLE

 O alumnado de terceiro de primaria realizou a lectura colectiva do libro Refugallo o espantallo, e hoxe tiveron a sorte de contar cun obradoiro da súa autora, Irene Alonso.

Irene Alonso cóntanos a historia de Comba, unha nena especial que sofre bulling na escola porque sempre está recollendo materiais de refugallo para facer un espantallo. A idea do libro é falar da reutilización dos materiais.

Neste obradoiro realizaron xogos e remataron coa realización dunha manualidade. Como non podía ser doutro xeito fixeron  unha buxaina reutilizando tapas de botellas plásticas.

GRAZAS IRENE ALONSO POLO TEU TRABALLO!

3º OBRADOIRO DE LECTURA E FAMILIA: AS FLORES DE GRETA

Hoxe tivemos o pracer de contar con Antía e Uxía de "Las flores de Greta" para realizar un obradoiro coas familias. 

Utilizando a técnica de ecoprint, cada familia diseñou o seu propio mantel. Seleccionaron as flores e follas e seguindo as indicacións de Uxía e Antía realizaron o seu traballo de impresión.

Despois enroscaron o traballo e o ataron moi forte para mesturar as flores coa tea.

Agora temos que esperar unha semana para que Antía e Uxía terminen o proceso de impresión.

Quedamos esperando o resultado final!!

Compartimos os momentos máis especiais desde obradoiro:

GRAZAS A FLORES DE GRETA POR ESTE OBRADOIRO TAN EXTRAORDINARIO!!

QUINCENA CULTURAL DO LIBRO E DAS LETRAS GALEGAS: SEMANA DO 5 AO 8 DE MAIO

OBRADOIRO DE JOSÉ VALTIERRA:

"SABERES E SABORES"

Seguimos coa Quincena Cultural do Libro e das Letras Galegas, e nesta semana tivemos a sorte de contar no noso cole cun obradoiro da man de José Valtierra. 

O alumnado adentrouse nun bosque de memorias, prácticas e saberes antiguos, que son a raíz dos nosos coñecementos modernos.

Exploraron árbores, plantas e fungos para obter unha visión experimental da riqueza da natureza que é un dos  obxectivos do PDI deste curso: Sementamos e recollemos vínculos, cos pés na terra.

Acompañado do seu amigo Paco, José convertiu o noso cole nun auténtico museo natural.

Ensinou a todo o alumnado a recoñecer árbores e plantas e explicoulles as súas aplicacións e utilidades  ao longo da historia, amosando a  riqueza que nos proporciona o mundo vexetal á nosa vida cotiá. 

Foi unha experiencia moi motivadora e práctica, na que o alumnado e profesorado estiveron en todo momento implicados, participando dos saberes da natureza.

Compartimos os momentos máis especiais que pasamos neste obradoiro:

 Despois desta semana na que sementamos moitos vínculos coa natureza e o mundo vexetal, despedimos a José Valtierra.

GRAZAS JOSÉ VALTIERRA POR COMPARTIR O TEU AMOR Á NATUREZA CO NOSO COLE!

QUINCENA CULTURAL DO LIBRO E DAS LETRAS GALEGAS: 8 DE MAIO

OBRADOIRO AVES MIGRATORIAS

Continuamos coas actividades na Quincena Cultural, e hoxe recibimos a visita de Manolo para achegarnos á vida das aves migratorias ao noso cole. Foi unha experiencia extraordinaria para o alumnado de 1º e 2º de Educación Primaria.

Na primeira parte do obradoiro, a través dunha presentación, ensinounos os tipos de aves migratorias e as súas características máis importantes.

 A continuación creamos entre todos e todas unhas casiñas para os paxaros que viven ou que pasan polo noso cole.

O resultado foi extraordinario: 

GRAZAS MANOLO POR ACHEGAR AS AVES AO NOSO COLE!!