BIBLIOTECA CREATIVA: QUINCENA STEM

 

Esta quincena levamos a cabo no colexio a "Quincena Steam", unha proposta realizada, na aula Maker e de Polos Creativos, con distintos obradoiros. O alumnado rotou polas distintas estacións de aprendizaxe propostas, investigou, experimentou e xogou, realizando verdadeiras aprendizaxes significativas e sobre todo en cooperación cos compañeiros e compañeiras.

GRAZAS FRIAN!

HOXE XOGAMOS CON BRAZOLINDA

 Dentro do programa "Biblioteca Creativa" tivemos a sorte de pasar unha xornada enteira desfrutando dos xogos de Brazolinda.

 

A proposta educativa de Brazolinda baséase no uso do xogo como ferramenta de aprendizaxe, convivencia e transmisión da cultura galega. A través dos seus xogos, o alumnado desenvolve habilidades como o razoamento, a observación, a motricidade, a cooperación e a comunicación. Ademais, os materiais están deseñados en galego e incorporan aspectos da nosa tradición, da mitoloxía e do patrimonio cultural, contribuíndo á normalización da lingua dun xeito lúdico e motivador. Brazolinda promove unha aprendizaxe activa e compartida, na que nenos, nenas e persoas adultas poden aprender e divertirse xuntos, fortalecendo os lazos sociais e o gusto polo noso patrimonio cultural.

 

 Todas as nenas e nenos da escola desfrutaron dunha xornada diferente chea de xogos, miradas compartidas e aprendizaxes!!

XORNADAS DE BIBLIOTECA CREATIVA

 

Este mércores 28 de xaneiro tivo lugar en Santiago a Xornada de Biblioteca Creativa, na que puidemos aprender das tecedoras da nosa terra con poñentes moi interesantes como Manuel Rodríguez, o cal estivo en parte relacionado co obradoiro de Bea Lema "Bordar o camiño de volta á casa. Mapas téxtiles".  

Houbo outros obradoiros como o de Lucas Ramada "Xogar para falar de xogar: dispositivos didácticos e función dixital" no que nos falou de como poder levar o videoxogo a recunchos da biblioteca para poder achegarnos ao mundo do noso alumnado.  

Outras compañeiras foron a outros obradoiros moi interesantes como os de Cristina González (Arte Garabato) e Lucía Romaní, nos que aproveitaron libros de expurgo para facer verdadeiras obras de arte; ou deseñaron libros diferentes con recortes, perspectivas e moita imaxinación. 

 Finalizamos a xornada escoitando a compañeiras do CEIP O Cervo e do IES Ribeira do Louro, as cales nos contaron como dinamizan a súa biblioteca escolar. 

       

   

            

 
 

       Foi unha xornada moi interesante para aprender e                                enriquecernos entre todos e todas. 

BIBLIOTECA CREATIVA: SEMANA STEAM

  Esta semana levamos a cabo no colexio a "Semana Steam", unha proposta realizada na aula Maker e de Polos Creativos, inaugurada este curso, con distintos obradoiros. O alumnado rotou polas distintas estacións de aprendizaxe propostas, investigou, experimentou e xogou, realizando verdadeiras aprendizaxes significativas e sobre todo en cooperación cos compañeiros e compañeiras.

 Estas estacións foron as seguintes:

-Proposta 1: Robótica con tres grados de dificuldade para todo o alumnado: baixa, media e alta.

   

-Proposta 2: Xogos de mesa

  

-Proposta 3: Construcións (korbo, kapla...)

 

 

-Proposta 4: Mesa de luz

-Proposta 5: Imáns

    

 

Tamén realizáronse propostas en inglés durante toda a semana:

Keyring 6º

En 6º deseñaron chaveiros:

En 4º e 5º realizaron "Board Games

 

     

 

Foi unha semana moi motivadora e especial!

BIBLIOTECA CREATIVA: ESPAZO MAKER

 Este curso debido ao novo espazo habilitado para a biblioteca, tamén contamos cun novo espazo para o proxecto de "Biblioteca creativa" e  "Polos creativos". Este espazo ten moitas posibilidades e recursos para aprender e traballar: robótica, materiais maker, cortadora láser, impresión 3D... 

O alumnado ao longo do curso puido experimentar con estes materiais durante as sesións organizadas polos titores e tamén estaba dispoñible todos os venres na hora de lecer. 

Amosamos algunhas das actividades realizadas:

SEMANA STEM : DO 3 AO 7 DE XUÑO

 Durante esta semana levamos a cabo diferentes xornadas de robótica e programación traballando con diferentes materiais na biblioteca escolar.