OBRADOIRO DE JOSÉ VALTIERRA:
"SABERES E SABORES"
Seguimos coa Quincena Cultural do Libro e das Letras Galegas, e nesta semana tivemos a sorte de contar no noso cole cun obradoiro da man de José Valtierra.
O alumnado adentrouse nun bosque de memorias, prácticas e saberes antiguos, que son a raíz dos nosos coñecementos modernos.
Exploraron árbores, plantas e fungos para obter unha visión experimental da riqueza da natureza que é un dos obxectivos do PDI deste curso: Sementamos e recollemos vínculos, cos pés na terra.
Acompañado do seu amigo Paco, José convertiu o noso cole nun auténtico museo natural.
Ensinou a todo o alumnado a recoñecer árbores e plantas e explicoulles as súas aplicacións e utilidades ao longo da historia, amosando a riqueza que nos proporciona o mundo vexetal á nosa vida cotiá.
Foi unha experiencia moi motivadora e práctica, no que o alumnado estivo en todo momento implicado e participando dos saberes da natureza.
Compartimos os momentos máis especiais que pasamos neste obradoiro:
GRAZAS JOSÉ VALTIERRA POR COMPARTIR O TEU AMOR Á NATUREZA CO NOSO COLE!
No hay comentarios.:
Publicar un comentario