RECUNCHOS VERDES BA BIBLIO

O PDI deste curso "Sementamos e recollemos vínculos cos pés na terra" tamén encheo os espazos da biblioteca. Creamos recunchos verdes para que o mundo vexetal tamén forme parte de todas as aventuras da nosa biblioteca. 

RECUNCHO DE NOVIDADES

 Estreamos novo recuncho cos fondos bibliográficos de nova incorporación á biblioteca.

BOTA UNHA OLLADA!!

RECUNCHO DE NOVIDADES NA BIBLIO

Habilitamos na nosa biblioteca un recuncho de novidades para expoñer os novos fondos bibliográficos que imos adquirindo e deste xeito recomendamos  e axudamos aos cativos e cativas a elixir as súas novas lecturas.

Xiana, voluntaria da biblioteca, fai a presentación do recuncho.

Animádevos a ler as nosas novidades!!

BIBLIOTECA CREATIVA: ESPAZO MAKER

 Este curso debido ao novo espazo habilitado para a biblioteca, tamén contamos cun novo espazo para o proxecto de "Biblioteca creativa" e  "Polos creativos". Este espazo ten moitas posibilidades e recursos para aprender e traballar: robótica, materiais maker, cortadora láser, impresión 3D... 

O alumnado ao longo do curso puido experimentar con estes materiais durante as sesións organizadas polos titores e tamén estaba dispoñible todos os venres na hora de lecer. 

Amosamos algunhas das actividades realizadas:

RECUNCHO DO CONCURSO FRIAN CHALLENGE!

 Na biblioteca habilitamos un recuncho cunha caixa de correos  para recoller todas as respostas mensuais do alumnado participante no concurso Frian Challenge. 

Animádevos a participar!

ESTREAMOS RECUNCHO DAS RECOMENDACIÓNS LECTORAS

 Na biblioteca reservamos un recuncho para expoñer as recomendacións lectoras que realiza o alumnado. Deste xeito todos os usuarios e usuarias podemos informarnos da opinión dos nosos compañeiros e compañeiras sobre as distintas lecturas.

Expoñemos no taboleiro as recomendacións de cada grupo cada quince días. Despois son gardadas no arquivador de recomendacións, que está exposto neste recuncho, para ser consultado polo alumnado antes de facer o empréstito semanal. 

Deste xeito, sempre están dispoñibles as opinións lectoras dos demais para axudarnos a elixir as nosas lecturas.

 

                    Bótalle un ollo as recomendacións!! 

24 DE OUTUBRO: DÍA DAS BIBLIOTECAS ESCOLARES

Hoxe na Escola celebramos o Día das Bibliotecas Escolares.

Foi un día moi especial porque inauguramos un novo espazo para a nosa biblioteca que non deixa de medrar e tivemos a sorte de desfrutar dun obradoiro da man de Federico Fernández. 

 Arrancamos así o noso PDI: Mares e océanos: un recurso vital

 

"As bibliotecas son portas a outras vidas"

ESTREAMOS NOVA BIBLIOTECA!

 Este curso habilitamos un novo espazo para a nosa biblioteca, moito máis amplo e con máis recunchos para facilitar o seu uso a todos os usuarios e usuarias. Desde xeito damos cabida a máis fondos bibliográficos e a súa  organización é máis doada e efectiva.

Presentamos a nosa nova biblioteca:

 

"Ler ábrenos unha fiestra ao mundo"

UNHA BIBLIOTECA ANTI-COVID

Comezamos este novo curso cheo de incertidumes pero tamén de esperanza por voltar ao cole. 

A biblioteca do Frian sempre foi e será un espazo fundamental no noso centro e agora nesta situación non podería ser menos. Por iso traballamos moi duro e acotío para crear un espazo adaptado e con toda a seguridade para o noso alumnadx. 

 Aquí vos adxuntamos un tríptico con información detallada sobre as adaptacións de espazos e actividades que levaremos a cabo durante este curso escolar. Non paramos de traballar para crear entre todxs unha biblioteca segura pero tamén un espazo que como sempre nos invite a soñar e a gozar da lectura. 

 Bo comezo de curso para todos e todas!!!!

https://drive.google.com/file/d/1nLL8Vb85VUBgWsDWz9EZadwvNtUC0sO6/view?usp=sharing

CREANDO NOVOS ESPAZOS

Nestes últimos meses intentamos crear novos espazos para gozar da nosa biblioteca e de todos o que nos pode ofrece.

Un recuncho de cine e a zona frianxogo son algúns deles. Utilizar todos os fondos e recursos que temos ao noso alcance e aproveitar todo o que nos ofrecen é un dos obxectivos da nosa biblioteca.

Películas de debuxos, de aventura , de sociedade .... Leva unha película a fin de semana e goza do cine en familia .

Xogos para traballar a lóxica, a lectoescritura, a agudeza visual... Favorecer o xogo colaborativo e recuperar ao mesmo tempo o xogo de mesa .