EXPOSICIÓN DO PDI

 

Hoxe, realizamos unha convivencia de final de curso coas familias. 

Remata o curso e polo tanto tamén finaliza o noso PDI deste curso: "Sementamos e recollemos vínculos cos pés na terra". Como non podía ser de outro xeito, realizamos unha exposición con todos os nosos traballos despois de realizar cada aula o seu proxecto documental. 

                                        

Seguindo as pautas de procura e selección da información no segundo trimestre e plasmando no terceiro trimestre a elaboración das nosas investigacións nun produto final.

GRAZAS FRIAN!!

PREMIO POLO CONCURSO: PREPARANDO A NOSA HORTA!

 

Hoxe desfrutamos  dunha milla arredor do cole  finalizando na nosa horta como premio pola participación de todas as aulas no concurso Preparando a nosa horta! levado a cabo ao longo do curso. Cada mes realizamos un reto para responder a preguntas para organizar e crear a nosa propia horta. Deste xeito aprendimos unha morea de cousas sobre o noso PDI: "Sementamos e recollemos vínculos cos pés na terra".

O propósito  do premio foi compartir experiencias e vivencias como comunidade educativa, os padriños e madriñas recolleron aos seus afillados e afilladas nas clases e fixeron o percorrido xuntos.

 Ao chegar á horta colocaron elementos decorativos como algo simbólico polo noso amor pola natureza.

Grazas alumnado e profes de Frian pola vosa implicación no concurso!

PDI E DIVERSIÓN!

Como non podía ser doutro xeito imos rematando o noso PDI  deste curso: "Sementamos vínculos cos pés na terra" unindo natureza, diversión, compañerismo e aventura. Todo o cole realizamos unha saída a Fervenzaventura en Silleda, un espazo de multiaventura, granxa escola e educación ambiental nun enclave natural extraordinario. 

                    

Cada ciclo realizou actividades específicas adecuadas a súa idade, desde obradoiros de cociña, de horta, espazos de xogos populares, arco, rocódromo e tirolina.

Foi unha experiencia inesquecible na que sementamos vínculos coa natureza e entre todos e todas nós.

GRAZAS FERVENZAVENTURA!

FRIAN CHALLENGE XUÑO 2026

 Xa temos a nosa horta lista!!

Ben feito! Grazas pola vosa axuda! 

Entre todos e todas fixemos que medraran plantas que sementamos e algo aínda máis importante... Compartimos tempo xuntos e xuntas e moitas vivencias. Iso creou vínculos que podemos manter ao longo dos anos.

Parabéns!!

Agora é tempo de lecer e descansar. 

👉 Pero antes…aquí vén a última pregunta do noso concurso:

•  SABES QUEN PINTOU “A SESTA”, UNHA OBRA QUE MOSTRA A CAMPESIÑOS DESCANSANDO NO CAMPO DESPOIS DE TRABALLAR A TERRA?

• Lembrade que podedes deixar as respostas no blog ou no caixa de correos da biblioteca!!

• ANIMÁDEVOS! ESPERAMOS CON EMOCIÓN AS VOSAS RESPOSTAS!

REFORESTAMOS NO PARQUE FORESTAL DA MADROA COA COMUNIDADE DE MONTES DE TEIS

 

O día da Paz  levamos a cabo un día de convivencia e solidariedade  coa iniciativa solidaria, "Un bocata: una anaco de reforestación", colaborando coa Comunidade de Montes de Teis.

Hoxe chegou o día de facer realidade esa actividade solidaria e todo o cole visitamos o Parque Forestal da Madroa para realizar, coa axuda da Comunidade de Montes de Teis, actividades de conservación e reforestación de especies autóctonas. Levamos a cabo actividades  didácticas organizadas polos mestres e mestras, rutas pola zona e plantación de diferentes especies autóctonas, así como a eliminación de especies invasoras.

Durante o tempo de lecer contamos coa colaboración das Pandereiteiras Augas de Maio que fixeron as delicias de todos e todas.

Grazas a Comunidade de Montes de Teis por sementar en nós o amor polos nosos montes!!

SINTONÍZATE COA LINGUA

 

O alumnado de sexto de E.Infantil dedica o seu Sintonízate coa Lingua a realizar unha versión moi orixinal do grupo                            Queen, titulada Se queres medrar.

                                          Escoita con atención:

BO TRABALLO! 

RECUNCHOS VERDES BA BIBLIO

O PDI deste curso "Sementamos e recollemos vínculos cos pés na terra" tamén encheo os espazos da biblioteca. Creamos recunchos verdes para que o mundo vexetal tamén forme parte de todas as aventuras da nosa biblioteca. 

VISITA DA ESCOLA INFANTIL RÚA ARAGÓN

 Hoxe recibimos ao alumnado da Escola Infantil Rúa Aragón para unha segunda xornada de convivencia co voluntariado da biblioteca. Xuntos compartimos novas experiencias, risas e xogos.

Despois do recibimento realizamos catro obradoiros de cociña. Preparamos entre todos e todas o almorzo para compartir:

Continuamos cunha visita a nosa horta e despois compartimos tempo de lecer:

Continuamos a xornada de convivencia cunha xincana literaria: "Detectives entre libros"

Despedimos a xornada cunha técnica de relaxación:

Foi unha xornada moi inesquecible e emotiva.

GRAZAS ESCOLA INFANTIL DE RÚA ARAGÓN!

A SENDA DE FRIAN

As mochilas viaxeiras deste curso levan a proposta da decoración de pedras en familia, con motivos da horta. O obxectivo é crear a Senda de Frian entre toda a comunidade escolar, para decorar a nosa horta.

Hoxe o voluntariado da biblio, con todas as pedras decoradas polas familias, elaboraron unha bonita senda en espiral.

Grazas familias polo voso traballo e colaboración!!