LEDICIA COSTAS VISITA A NOSA BIBLIOTECA

     

Hoxe tivemos unha visita moi especial no noso cole. 

Non o ides crer!!

A madriña da nosa biblioteca, Ledicia Costas, compartiu co alumnado de 3º e 4º unha morea de historias e segredos sobre o libro: "Curriño, o can influencer".

Foi un obradoiro cheo de recomendacións de libros, series, xogos... e sobre todo de emocións relacionadas coa literatura.

.

Compartimos con todos vós un resumo deste obradoiro literario:

Deixounos uns agasallos moi especiais para a nosa biblioteca e firmounos os nosos exemplares:

A Ledicia gustáronlle os nosos traballos sobre Curriño:

            

Grazas Ledicia por compartir con todos nós as túas vivencias literarias a través dos teus libros!!

A nosa biblioteca está chea das túas pegadas!!

  

FRIAN CHALLENGE MAIO

 FRIAN CHALLENGE MAIO

Sabedes que un mergullador é alguén que pode baixar ás profundidades dos mares e océanos, usando un escafandro ou botella de osíxeno para respirar baixo a auga.

En Cesantes, cerca de Redondela, hai unha escultura ao Capitán Nemo e aos seus mergulladores. Víchela algunha vez? Só pode verse coa marea baixa.

Os peixes non necesitan escafandro ou botellas de osíxeno para respirar, verdade?

PREGUNTA 1: SABEDES COMO SE CHAMAN AS PARTES DOS PEIXES QUE FAN POSIBLE QUE RESPIREN BAIXO A AUGA?

PREGUNTA 2: CADA CANTAS HORAS SUBE OU BAIXA A MAREA? 

ESPERAMOS CON EMOCIÓN AS VOSAS RESPOSTAS!

23 E 28 DE ABRIL: CANTAREIRAS E OBRADOIRO DE FEDERICO FERNÁNDEZ

Continuamos coa Semana Cultural do Libro e das Letras Galegas. Hoxe viaxamos a través da poesía oral, transmitida de xeración en xeración polas cantareiras ou pandeireteiras da nosa historia popular galega.

O mércores 23 e o luns 28 fixemos o mesmo obradoiro, repartido en dous días pola cantidade de alumnado que temos no centro.

O alumnado voluntario da biblioteca, como cada mañá, anuncia por megafonía a orde do día. Informaron das actividades a realizar na xornada para unha mellor organización e remataron a emisión cun conto radiofónico.

             

Iniciamos o obradoiro cunha pequena representación para dar a coñecer, ao alumnado, ás mulleres cantareiras ás que se lle dedica o Día das Letras Galegas no 2025. Coñecemos algúns datos das súas vidas e como transmitiron as súas coplas, ritmos, bailes, contos... ata os nosos días. 

Amosamos a nosa exposición bibliográfica que usamos para traballar a historia das cantareiras:

                        

           

  

                 

As mestras do equipo de biblioteca e dúas alumnas cantareiras do centro, levaron a cabo a breve representación ao inicio do obradoiro:

               

Compartimos con todas e todos vós a nosa representación, inspirándonos na obra de Paula Carballeira:

Despois desta pequena representación, levamos a cabo o obradoiro con Federico Fernández cunha proposta artística na que o alumnado elaborou a súa propia pandeireta.

Amosamos como resultou este obradoiro:

E así quedaron as nosas propias pandeiretas, por un lado representamos a unha cantareira e polo outro lado escribimos a  copla que cada aula elixiu. Deste xeito, coas nosas pandeiretas imos acompañar ás cantareiras do grupo AUGAS DE MAIO cando asistan ao noso cole para realizar unha foliada.

Grazas Federico polo teu obradoiro!

e

Grazas ao alumnado e ao profesorado por estes días inesquecibles nos que formamos unha verdadeira comunidade!!

25 DE ABRIL: APADRIÑAMENTO LECTOR E FLASHMOB

Seguimos celebrando a Semana do Libro e das Letras Galegas. Hoxe levamos a cabo o Apadriñamento Lector.

 O alumnado voluntario da biblioteca, como cada mañá, anuncia por megafonía a orde do día. Informan das actividades a realizar na xornada para unha mellor organización e rematan a emisión cun conto radiofónico.

Uns días antes do Apadriñamento Lector, fixemos a xuntanza das distintas clases para que padriños e madriñas coñeceran aos seus afillados e afilladas. Intercambiaron información sobre os seus gustos literarios e quedaron os maiores de recoller nas aulas aos máis pequenos.

Amosamos eses encontros entre compañeiros do cole:

O Apadriñamento Lector é unha experiencia para o fomento da lectura, pero que conleva outras aprendizaxes significativas a partir de emocións que xorden da cooperación e a creación de lazos afectivos entre o alumnado.

Viñemos todos e todas disfrazados de personaxes de contos, eliximos o espazo no patio e a deixar voar a imaxinación coa lectura de contos.

 Amosamos esta experiencia tan inesquecible:

Houbo intercambio de agasallos:

Así quedou o patio cheo dos libros que lemos no apadriñamento lector:

Rematamos o apadriñamento lector cun flashmob, porque os libros non só se len, tamén se cantan e se bailan. Bruxas, carapuchiñas, animais, fadas, magos, ... e unha morea de personaxes de contos unímonos a cantar e bailar.

Grazas ao noso voluntariado de 5º de primaria por organizar este flashmob tan divertido:

Grazas Frian por esta experiencia tan especial!!

24 DE ABRIL: PREPARANDO AGASALLOS!

Hoxe dedicamos a xornada a preparar os agasallos de intercambio para o Apadriñamento lector  que levaremos a cabo mañá venres.

O alumnado voluntario da biblioteca, como cada mañá, anuncia por megafonía a orde do día. Informan das actividades a realizar na xornada para unha mellor organización e rematan a emisión cun conto radiofónico.

23 DE ABRIL: FELIZ DÍA DO LIBRO!

Hoxe celebramos o Día do Libro  expresando os nosos gustos literarios. Como non podía ser de outro xeito, centrándonos no PDI deste ano: "Mares e océanos: un recurso vital" elaboramos unha instalación artística, as Medusas Literarias.

Medusas de moitas cores, gustos e emocións,  expresadas a partir da elaboración  das portadas dos nosos libros favoritos. Estas portadas utilizan o espazo da instalación como un medio para transmitir ideas, xerar emocións e provocar reflexións. Toda unha obra artística onde cada neno e nena forma parte dela.

O alumnado voluntario da biblioteca durante esta semana, como cada mañá, anuncia por megafonía a orde do día. Informan das actividades a realizar na xornada para unha mellor organización e rematan a emisión cun conto radiofónico.

Prestade moita atención: 

Cada clase elaborou a súa Medusa Literaria e enchemos a entrada do cole dun océano cheo dos nosos libros, contos e personaxes favoritos.

Amosamos o noso traballo no seguinte vídeo:

Hoxe, tamén sucedeu unha cousa moi estraña no cole. As paredes apareceron empapeladas. Non temos nin idea de quen puido ser o que o fixo. Pensamos que Frianciño, o noso mouchiño, ten algo que ver neste feito. Seguro que é un regalo para cada un de nós polo Día do Libro.

Anímate a coller o teu agasallo:

Así resultou a actividade:

Feliz día do libro a todos e todas!

Grazas libros por formar parte das nosas vidas, permitirnos soñar cos ollos abertos e viaxar sen fin!!

22 DE ABRIL: COMEZAMOS A SEMANA CULTURAL DO LIBRO E DAS LETRAS GALEGAS CO OCÉANO DAS NOSAS VIVENCIAS LITERARIAS

 A proposta  deste ano para a celebración do Día Internacional do Libro e do Día das Letras Galegas é facer unha Semana Cultural unindo os libros ca lingua e tradición galega, neste caso, poesía e música.

Traballaremos a literatura escrita unida a literatura oral tradicional de Galicia porque a literatura non só é a que se escribe, tamén é a que se canta e se baila.

 O alumnado voluntario da biblioteca durante esta semana, cada mañá, anuncia por megafonía a orde do día. Informan das actividades a realizar na xornada para unha mellor organización e rematan a emisión cun conto radiofónico.

Prestade moita atención: 

Hoxe comezamos esta Semana Cultural expresando o que significa un libro para cada un de nós. Alumnado, profesorado e familias enchemos de emocións os Paneis do Océano das Nosas Vivencias Literarias, respondendo á pregunta:

QUE É UN LIBRO PARA TI?

Así luciron os nosos paneis no patio do colexio:

 Quedou demostrado que un libro pode ser unha morea de cousas extraordinarias...

Amosamos as nosas opinións no seguinte vídeo:

Na porta da nosa biblioteca hai un test de lectura. 

Es un bo lector? 

Pensas que es unha boa lectora?

Anímate a facelo!

Grazas comunidade educativa pola vosa colaboración!!