RENOVACIÓN DO VOLUNTARIADO LECTOR

 Os mércores os voluntarios e voluntarias da biblioteca seguen a facer animación á lectura nas aulas do cole. Empezamos novo trimestre e vai renovación do voluntariado lector.

Novas parellas e grupos de lectura. Botade unha ollada:

GRAZAS VOLUNTARIADO LECTOR!!

OS MÉRCORES A LECTURA É COUSA VOSA!!

1º B FAI AS SÚAS RECOMENDACIÓNS!

          

Esta semana recomenda o alumnado de 1ºB  de EP, as súas lecturas favoritas,

Xa podes dispoñer destes libros, na biblio do cole.

Grazas nenos e nenas de 1º B!!

Boas lecturas!

OBRADOIRO: "O MAR NUNHA BOTELLA" CON GUILLERMO MASSON

Onte tivemos un segundo encontro dos obradoiros de Lectura e Familias, onde da man dun rescatador marítimo, coñecemos moitas cousas sobre os nosos mares, océanos e os equipos de salvamento.

Aproveitamos  para facer a nosa propia interpretación do mar coa actividade plástica:  "Un mar nunha botella".

Compartimos un vídeo desta tarde tan especial:

Grazas a todas as familias por compartir unha tarde diferente e facer comunidade educativa xuntos e xuntas!

SALVAMENTO MARÍTIMO CON GUILLERMO MASSON

      

Hoxe o alumnado do cole gozou dun obradoiro sobre o funcionamento do equipo de salvamento marítimo da Xunta de Galicia. Contado en primeira persoa por un rescatador do equipo de salvamento, pai dun alumno e dunha  alumna de Frian. Deste xeito aproveitamos recursos humanos da nosa comunidade educativa para descubrir novas do PDI que levamos a cabo este ano: "Mares e océanos, un recurso vital".

Guillermo explicounos como é o día a día do seu traballo, ensinounos o seu equipamento e o alumnado puido ver e incluso probar estes elementos.

Grazas Guillermo por achegarnos unha profesión tan difícil, pero tan importante. Por concienciarnos sobre o respecto ao mar, por trasladar a importancia do traballo en equipo e sobre todo por compartir co noso cole a túa paixón polo teu traballo.

Compartimos un vídeo desta experiencia tan motivadora:

GRAZAS GUILLERMO!

A ESCRITORA AMALIA PÉREZ OTERO VISITA A BIBLIOTECA DE FRIAN

 

 

Hoxe recibimos a visita da escritora Amalia Pérez Otero na vosa biblioteca. Levou a cabo dous obradoiros co noso alumnado. Por unha banda, realizou unha xuntanza co alumnado de E.I e do primeiro ciclo de E.P. Contounos unha morea de cousas sobre os seus libros e escoitamos moitas aventuras das nosas illas, dos trasnos e ensinounos a coñecer mellor a nosa contorna.

Encantounos a súa maneira de contar contos. Participamos todos e todas coas súas aventuras e cos seus libros tan especiais.

Compartimos un vídeo deste obradoiro e do ben que o pasamos xuntos:

Despois deste obradoiro cos máis pequenos do cole, realizou unha xuntanza co alumnado voluntario de 6º de EP. Compartiu técnicas e estratéxicas para contar contos, con recursos moi motivadores, e captar á atención do alumnado dun xeito efectivo. Puxemos en práctica estas ferramentas que nos explicou coa realización dun conto participando todos e todas. 

Amosamos un pequeno vídeo deste obradoiro:

Moitas grazas Amalia polas túas marabillosas historias e por compartir con nós as túas estratexias para contar contos que chegan moi lonxe!!

FORMACIÓN NAS XORNADAS DE BIBLIOTECA

 Como cada ano o profesorado da biblioteca segue a formarse nas Xornadas de Biblioteca:

Grazas profes implicadas!

CHALLENGE FRIAN ABRIL

 

FRIAN CHALLENGE ABRIL

• Mar Mediterráneo:

Continuando baixo as augas atopamos outro mar moi

importante da que xa falamos no mes anterior…os gregos

e os romanos, que eran politeístas, e dicir; crían en

varios deuses e noutros seres de lenda. O deus dos mares

chamábase Poseidón (o Neptuno en romano). 

• Pregunta 1: Cita dous mares que estean dentro do Mar

Mediterráneo?

• Pregunta 2: Nomea tres seres mitolóxicos no que crían os

romanos relacionados co mar.

ESPERAMOS CON EMOCIÓN AS VOSAS RESPOSTAS!