Non nos cansaremos de insistir sobre a importancia de abordar o tema da violencia de xénero para educar na non violencia.
Para tentar poñer fin a esta lacra e lembrar a importancia de convivir de xeito positivo, realizamos as seguintes actividades:
- Un mural colaborativo baixo o lema:
“A violencia de xénero non navega nos nosos mares”.
- Este mural enchémolo de barcos feitos de papiroflexia, un por aula, cun lema para potenciar a loita contra a violencia de xénero.
- Un acto reivindicativo do 25-N.
Para afondar nesta temática e darlle sentido á actividade, todas as aulas realizaron debates e charlas nas que o alumnado participou para facerse consciente da importancia de abordar a violencia de xénero dende unha perspectiva sociocomunitaria, na que todos e todas sexamos axentes activos para tentar prevela, evitala e denunciala no caso de que apareza.
No acto reivindicativo cantamos todos e todas a canción de "Saír correndo " de Amaral. Cada neno e nena portou o seu barco cun lema propio para pedir unha sociedade máis xusta e sen violencia de xénero.
Compartimos un anaco deste acto:
No hay comentarios.:
Publicar un comentario