COMEZA ADIVIN-ARTE!

Ola rapazas e rapaces do Frian!!

BENVIDXS A ADIVIN-ARTE!!

Dende a Biblioteca da escola queremos propoñervos un concurso para aprender e descubrir unha morea de cousas do mundo das artes e ademáis, emocionarnos xuntxs nesta nova aventura. A ver que vos parece!

Cada mes, neste blogue e na Biblioteca da escola atoparedes unha pregunta sobre a cal deberedes investigar e acadar a resposta.

Cando teñades a resposta, podedes envíala de dúas formas:

• comentando na entrada aquí no blogue
• no buzón da biblioteca

Repartiremos unhas cartillas nas que deberedes conseguir dous selos mínimo para poder optar ao premio trimestral. Para nos o máis
importante é que vos animedes a participar e a descubrir xuntxs cousas sobre as artes ca axuda das vosas familias.

É importante que cando nos deixedes as vosas respostas non esquezades por o voso nome e o curso.

O premio do primeiro trimestre será un contacontos sorpresa a cargo do equipo de Biblioteca o mércores 21 de decembro pola mañá.

ANIMÁDEVOS! ESPERAMOS CON EMOCIÓN AS VOSAS RESPOSTAS!