UN PROXECTO SOLIDARIO COA ONG "DA MAN"

O ano 2026 está dedicado ao voluntariado para o desenvolvemento sostible e o noso PDI deste curso: "Sementamos e recollemos vínculos", ten moita relación coa temática do voluntariado.

 

Desde a escola parécenos importante traballar e concienciar ao noso alumnado sobre a importancia do labor dos  voluntarios e voluntarias como axentes de

cambio social e medioambiental.

Na escola temos a sorte de contar con familias voluntarias en diferentes proxectos e fixemos unha colaboración coa ONG "Da man". Verónica Abal, una nai de unha alumna e un alumno do centro, forma parte da directiva desta entidade. Colaboran de maneira voluntaria en labores médico-sanitarias  en Senegal, país ao que viaxa cada ano para participar en proxectos de colaboración internacional.

A nosa pequena achega a esta ONG consistiu en pintar mochilas para regalar aos nenos e nenas de Senegal.

A proposta foi pintar cinco ou seis mochilas por aula, de xeito cooperativo, facendo o alumnado os bosquexos e decidindo en cada equipo o seu propio proxecto. A única consigna a seguir foi que a idea tiña que  plasmar algo que simbolice a unión entre Galicia e Senegal.

O resultado foi espectacular como podedes comprobar no seguinte vídeo:

Entregamos a Verónica as mochilas rematadas, porque viaxa a finais de xaneiro a Senegal.

Esperemos que lles gusten as nosas mochilas aos nenos e nenas de Senegal!!

Moitas grazas pola vosa colaboración e esperamos sementar moita solidariedade no noso cole!

Grazas Verónica por facer realidade o noso proxecto de solidariedade!!

ESCOLMAS DE FONDOS PARA O DÍA INTERNACIONAL DA NO VIOLENCIA

 

No corredor de primaria xa temos unha escolma de fondos bibliográficos que invitan ao alumnado a escoller lecturas, para a hora de ler, que fomentan a procura da paz e da convivencia pacífica entre todos e todas.

FELIZ DÍA DA PAZ!!

PATIOS DINÁMICOS

 En Frian damos moita importancia ao xogo e pensamos que o eido fundamental do desenvolvemento do noso alumnado. Por iso a organización dos períodos de lecer se fai de maneira estruturada e sistemática.

A continuación incluímos o horario da distribución dos períodos de recreo así como unha listaxe de xogos populares que nos sirvan de guía.

RECOMENDACIÓNS DO ALUMNADO DE 1ºB

O alumnado de 1ºB recomenda as súas lecturas favoritas:

        BO TRABALLO 1ºB!

ENQUISAS PLEA " PROGRAMA DE LECTURA, ESCRITURA E ACCESO A INFORMACIÓN"

Ao longo deste curso iniciaremos modificacións para a mellora dos programas de lectura e escritura que se implantan no centro co fin de dotar ao noso alumnado de mellores estratexias e crear un modelo común, unificado  e progresivo para todas as etapas educativas.

Para iso necesitamos primeiro levar a cabo unha contextualización do noso centro e do alumnado e as familias que forman parte da nosa comunidade educativa.

Por iso pedimos a vosa colaboración para que dediquedes uns minutos a cubrir a seguinte enquisa. Lembrade que é anónima polo tanto o importante é a veracidade das respostas.

ENQUISA FAMILIAS 

https://docs.google.com/forms/d/e/1FAIpQLSdSg29Uio7zt4J-z5ZwwPOAqGcq1pJFiX9QwLlDxBvpVmR40g/viewform?usp=dialog 

ENQUISA PROFESORADO

https://docs.google.com/forms/d/e/1FAIpQLSfM6CLhmHN3bG_ahZacxF6KiaKMYLtIf5FHZpy-J0rg0RqOeQ/viewform?usp=dialog

ENQUISA ALUMNADO

https://docs.google.com/forms/d/e/1FAIpQLScxSXRnuS8vn0TBSdQPlEANIpXrio_pmWGraJE0qreIPhEaOQ/viewform?usp=publish-editor

1º OBRADOIRO DE LECTURA E FAMILIAS: "DA MAN" CON VERÓNICA ABAL LORENZO

Comezamos os obradoiros de Lectura e familias cunha colaboración moi especial:

O ano 2026 está dedicado ao voluntariado para o desenvolvemento

sostible. Desde a escola parécenos importante traballar e concienciar sobre a importancia do labor dos voluntarios e voluntarias como axentes de

cambio social e medioambiental.

Na escola temos a sorte de contar con familias voluntarias en diferentes proxectos. Hoxe contamos coa  colaboración de Verónica Abal Lorenzo, voluntaria da ONG Da man e nai de alumnos do cole.

 Esta entidade colabora en labores médico-sanitarias en Senegal.

Verónica explicounos como funciona esta ONG e como son as súas viaxes a Senegal:

Rematamos o obradoiro pintando mochilas para os nenos e nenas de Senegal que vai levar Verónica, na súa próxima viaxe.

Quedaron preciosas!!

Grazas Verónica por compartir coas familias a túa experiencia, compromiso e vocación solidaria!

CHALLENGE XANEIRO

Botemos sementes!

Agora que temos a nosa horta lista para traballar temos que pensar que verduras queremos ter nela. E botalas!

Temos que pensar na cantidade de auga que van necesitar e as temperaturas que teremos neste mes!

Non podemos plantar verduras de inverno en verán! Nin poñer plantas que necesiten pouca auga nunha rexión que choiva moito...

En relación a isto, vai a seguinte pregunta:

• EN QUE COMUNIDADE AUTÓNOMA DE ESPAÑA SE CULTIVA A OLIVEIRA PARA FACER ACEITE DE OLIVA?

*Lembrade que podedes deixar as respostas no blog ou no caixa de correos da biblioteca!!

ANIMÁDEVOS! ESPERAMOS CON EMOCIÓN AS VOSAS RESPOSTAS!