DÍA ESCOLAR DA NON VIOLENCIA E DA PAZ: UN BOCATA : UN ANACO DE REFOSTERACIÓN

Hoxe, 30 de xaneiro, conmemoramos o Día Escolar da Non Violencia e da Paz. Todas as aulas, nas sesións de Arts, estiveron traballando o tema da paz e decoraron  todo o cole con murais.

 Festexamos este día tan especial  levando a cabo un día de convivencia e solidariedade  coa iniciativa solidaria, "Un bocata: una anaco de reforestación", colaborando coa Comunidade de Montes de Teis.

Cada aula encargouse dunha tarefa, desde elaborar os presupostos, calcular as cantidades necesarias de produtos, ir ao supermercado, organizar os espazos para o repartimento ata  facer as ventas neste día tan sinalado.

Unha mostra dos momentos máis especiais deste día:

Vendimos os bocatas, por un prezo simbólico, entre o alumnado e o profesorado. Toda a cantidade recadada foi para entregar á Comunidade de Montes de Teis para axudar á conservación e reforestación do Monte da Madroa.

O alumnado entregou o cheque á Comunidade de Montes de Teis.

En maio, participaremos con esta comunidade para axudar á reforestación da Madroa.

Rematamos o día, como non podía ser de outro xeito, cantando entre todos a canción da paz:

Grazas a todos e todas por colaborar, sen vós non sería posible!!

SINTONÍZATE COA LINGUA DE 4ºB

  

O alumnado de 4ºB realizou unha investigación sobre o creador dos Premios Nobel e as personas que recibiron os premios Nobel da Paz, co gallo da conmemoración do Día Internacional da Non Violencia.

Neste episodio do programa Sintonízate coa lingua, realizan unha compilación de toda a información a través dunhas entrevistas radiofónicas.

Este é o resultado:

BO TRABALLO 4ºB

XORNADAS DE BIBLIOTECA CREATIVA

 

Este mércores 28 de xaneiro tivo lugar en Santiago a Xornada de Biblioteca Creativa, na que puidemos aprender das tecedoras da nosa terra con poñentes moi interesantes como Manuel Rodríguez, o cal estivo en parte relacionado co obradoiro de Bea Lema "Bordar o camiño de volta á casa. Mapas téxtiles".  

Houbo outros obradoiros como o de Lucas Ramada "Xogar para falar de xogar: dispositivos didácticos e función dixital" no que nos falou de como poder levar o videoxogo a recunchos da biblioteca para poder achegarnos ao mundo do noso alumnado.  

Outras compañeiras foron a outros obradoiros moi interesantes como os de Cristina González (Arte Garabato) e Lucía Romaní, nos que aproveitaron libros de expurgo para facer verdadeiras obras de arte; ou deseñaron libros diferentes con recortes, perspectivas e moita imaxinación. 

 Finalizamos a xornada escoitando a compañeiras do CEIP O Cervo e do IES Ribeira do Louro, as cales nos contaron como dinamizan a súa biblioteca escolar. 

       

   

            

 
 

       Foi unha xornada moi interesante para aprender e                                enriquecernos entre todos e todas. 

RECOMENDACIÓNS DO ALUMNADO DE 1ºA

 O alumnado de 1º A recoméndanos as seguintes lecturas:

Estes libros están a túa disposición na nosa biblioteca.

BO TRABALLO 1ºA!

OBRADOIRO DE RADIO ESCOLAR PARA O ALUMNADO DE 2º DE PRIMARIA

 Hoxe o alumnado de segundo de primaria realizou un obradoiro de radio, para coñecer o seu funcionamento.

Primeiro recibiron unha explicación teórica dos elementos dunha radio escolar:

A continuación, debuxaron estes elementos da radio para sintetizar toda a información:

 

E finalizaron o obradoiro poñendo en práctica os coñecementos aprendidos e gravando o seu programa de radio.

                                BO TRABALLO 2º!!

UN PROXECTO SOLIDARIO COA ONG "DA MAN"

O ano 2026 está dedicado ao voluntariado para o desenvolvemento sostible e o noso PDI deste curso: "Sementamos e recollemos vínculos", ten moita relación coa temática do voluntariado.

 

Desde a escola parécenos importante traballar e concienciar ao noso alumnado sobre a importancia do labor dos  voluntarios e voluntarias como axentes de

cambio social e medioambiental.

Na escola temos a sorte de contar con familias voluntarias en diferentes proxectos e fixemos unha colaboración coa ONG "Da man". Verónica Abal, una nai de unha alumna e un alumno do centro, forma parte da directiva desta entidade. Colaboran de maneira voluntaria en labores médico-sanitarias  en Senegal, país ao que viaxa cada ano para participar en proxectos de colaboración internacional.

A nosa pequena achega a esta ONG consistiu en pintar mochilas para regalar aos nenos e nenas de Senegal.

A proposta foi pintar cinco ou seis mochilas por aula, de xeito cooperativo, facendo o alumnado os bosquexos e decidindo en cada equipo o seu propio proxecto. A única consigna a seguir foi que a idea tiña que  plasmar algo que simbolice a unión entre Galicia e Senegal.

O resultado foi espectacular como podedes comprobar no seguinte vídeo:

Entregamos a Verónica as mochilas rematadas, porque viaxa a finais de xaneiro a Senegal.

Esperemos que lles gusten as nosas mochilas aos nenos e nenas de Senegal!!

Moitas grazas pola vosa colaboración e esperamos sementar moita solidariedade no noso cole!

Grazas Verónica por facer realidade o noso proxecto de solidariedade!!

ESCOLMAS DE FONDOS PARA O DÍA INTERNACIONAL DA NO VIOLENCIA

 

No corredor de primaria xa temos unha escolma de fondos bibliográficos que invitan ao alumnado a escoller lecturas, para a hora de ler, que fomentan a procura da paz e da convivencia pacífica entre todos e todas.

FELIZ DÍA DA PAZ!!