DÍA INTERNACIONAL DA ELIMINACIÓN DA VIOLENCIA DE XÉNERO

 

  Aquí vos deixamos a escolma de fondos bibliográficos para fomentar o respecto entre iguais e a eliminación de calquera forma de violencia entre as persoas, independentemente do seu xénero, raza, cultura...

 

Digamos NON á violencia!!

O VOLUNTARIADO LECTOR CONMEMORA O DÍA MUNDIAL DO ACOLLEMENTO FAMILIAR!

  Hoxe, día 20 de novembro, conmemórase o Día Internacional dos Dereitos da Infancia e tamén o Día Mundial do Acollemento Familiar. Desde o cole, quixemos facer a nosa achega e unímonos ao día do pixama. Deste xeito, lembramos a todos os nenos, nenas e adolescentes que non poden ser coidados pola súa familia biolóxica. E a alternativa que teñen a esta situación é o acollemento familiar para que poidan crecer cunha familia que os cuide, acompañe e os queira durante o tempo que necesiten.

O voluntariado lector tamén se uniu a esta iniciativa e hoxe as lecturas no cole foron todas relacionadas co tema da familia e dos dereitos da infancia.

Grazas voluntariado lector!

Feliz Día do Pixama!

GRAN PARTICIPACIÓN NO CONCURSO DO MES DE NOVEMBRO!

A caixa de correos do concurso do Frian Challenge, comenza a encherse coa vosa participación.

Lembrarvos que podedes participar escribindo as respostas no blog, en comentarios, ou deixando as vosas respostas na nosa caixa de correos na biblioteca.

Participar no concurso e así de doado:

Grazas nenos e nenas de Frian pola vosa participación!

O OCÉANO DE FRIAN COMEZA A ENCHERSE!

As mochilas viaxeiras comezaron a súa andaina este curso e coa proposta que están levando a cabo as familias de reutilizar o plástico  que consumimos. A nosa biblioteca estase enchendo dunha morea de animais mariños e deste xeito estamos creando, entre todos e todas, o océano de Frian.

Podedes visualizar no seguinte vídeo, una escolma dos traballos que comezan a chegar á biblioteca:

Grazas familias polo voso traballo e colaboración!

CHALLENGE FRIAN NOVEMBRO

 

Como non podía ser doutro xeito, comezamos a nosa viaxe na nosa cidade: Vigo.

A ría de Vigo atópase no océano Atlántico; o segundo océano máis grande da Terra. Impulsa os nosos patróns meteorolóxicos, incluídos os furacáns, e alberga moitas especies, desde tartarugas mariñas ata golfiños.

Facemos dúas preguntas:
1- Que recoñeces na imaxe?
2- Cóntanos unha curiosidade sobre o océano Atlántico.

*Lembrade que podedes deixar as respostas no blog ou na caixa de correos da biblioteca!!

ANIMÁDEVOS! ESPERAMOS CON EMOCIÓN AS VOSAS RESPOSTAS!

COMEZAN OS CONTACONTOS DO VOLUNTARIADO LECTOR

Hoxe é mércores e o voluntariado lector comezou a ler a todas as clases do cole. Organizados por parellas, prepararon as súas lecturas e moi ilusionados iniciaron os contacontos. Hoxe comeza a súa andaina e se estenderá ao longo de todo o curso.
Os mércores len os voluntarios!
                                                 Así resultou a xornada:                             

                                                                 

                                                                                                                                  

                                                

                                                                      

NOVO CONCURSO: CHALLENGE FRIAN

Ola rapazas e rapaces do Frian:
Comeza un novo curso na nosa biblioteca e con él unha nova aventura e un novo concurso de preguntas. Este ano trátase dunha viaxe virtual na que aprenderemos unha morea de cousas relacionadas cos océanos e mares da terra.
A primeira gran expedición oceanográfica dedicada ao estudo científico dos océanos foi, sen dúbida, a realizada polo buque HMS Challenger entre 1872 e 1876.
Foi organizada especificamente para recoller datos sobre unha ampla gama de características do océano, incluíndo temperaturas do océano, química da auga mariña, correntes, vida mariña e xeoloxía do fondo mariño.

Propoñemosvos realizar a nosa propia expedición “Frian Challenge” para entre todas e todos ir descubrindo curiosidades sobre os océanos e mares do noso planeta.

As instrucións do xogo serán:

1. Cada mes, no blog https://ossonhosdefriancinho.blogspot.com/ atoparedes unhas preguntas sobre as cales deberedes investigar para acadar a resposta correcta.

2. Cando teñades as respostas poderedes envíalas de dúas formas:

• Facendo un comentario na entrada do blog da biblioteca.

• Depositando as vosas repostas por escrito na caixa de correos que atoparedes fóra da biblioteca. Neste caso, non esquezades indicar o voso nome e curso na vosa resposta.

3. Repartiremos un mapamundi por aula no que con axuda das vosas mestras e mestres iredes rexistrando a vosa particiopanción e o percorrido polos mares e océanos. 

Se queredes acadar o voso premio non vos esquezades de participar!

EXPERIMENTAMOS DURANTE O MES DA CIENCIA

 A escolma de fondos bibliográficos para poder investigar e levar a cabo diferentes experimentos para axudar ao alumnado na procura de información e descubrimento de fenómenos naturais e físicos.

FORMACIÓN DE USUARIOS

 Arrancamos a formación de usuarios do presente curso visualizando un vídeo elaborado polo voluntariado da biblioteca escolar, onde explican a organización da nosa biblioteca segundo a CDU (Clasificación Decimal Universal).

Bo traballo nenas e nenos do voluntariado!!