CONTO A CASTAÑA 3 ANOS A

O plan lector en Educación Infantil é sempre moi activo e motivador. Dous días á semana facemos o plan lector de xeito conxunto con lecturas en voz alta, lecturas compartidas, contos teatralizados, títeres. Esta semana os mais pequechos do cole de 3 anos A nos deleitaron cun pequeno contacontos sobre unha castaña do Magosto. Non vos perdades a estes cativos que son uns verdadeiros artistas!!!

"AS TRES BRUXAS COMEPERNAS"

Para festexar o Samaín Noelia a nai de Marieta de 4 anos B , quixo vir a visitarnos para recitar un poema que crearan a súa filla e ela. O poema titulábase " As tres meigas compernas" .Despois do contacontos agasallou a todos os nenos cuns caramelos de Samaín . 

Grazas por vir !!!

RECURSOS " MES DA CIENCIA"

 Este mes de novembro comezamos ca celebración do
 " MES DA CIENCIA" .Un mes cheo de actividades, experimentos, obradoiros, exposicións...

Pero ademais aquí vos deixamos unha serie de recursos para que poidades usar na casa e gozar ca ciencia en familia.

HISTORIA DE VIGO EN CATRO MINUTOS E MEDIO. PARTE I

Venres de Viva Voz 19/20

• Venres de Viva Voz

 Comezamos un ano máis cos “Venres de Viva Voz”, actividade para mellorar a competencia lingüística do noso alumnado. Cada aula prepara unha exposición oral sobre a temática do noso PDI (Proxecto Documental Integrado). Este curso traballamos baixo o título de “Vigo, cidade de cores”. Queremos render tributo a nosa cidade, investigando e coñecendo o noso entorno máis inmediato.

Esta sección da biblioteca gravámola os venres e este ano empeza polo alumnado de sexto de primaria.

      COMEZAMOS A ANDAINA DOS VENRES DE VIVA VOZ!

  O alumnado de sexto e quinto de primaria arrancamos este curso cun proxecto de historia: “A vida antes do Fortnite e Harry Potter”.                   

Entón en 6º decidimos facer o noso Venres de Viva Voz sobre a historia de Vigo. 

 A primeira entrega deste traballo está realizada por 6ºA. Facemos un percorrido pola Prehistoria, Romanización e Idade Media acontecida na nosa cidade. 

             Prestade moita atención!!

DE CONTOS CON MIGALLAS

Bea e Manuel do grupo Millagas visitaron o Frian para realizar un contacontos moi especial ao alumnado de 6º de Educación Infantil. Pasamos un rato moi divertido, coñecendo diferentes contos, gozando coa música e coa lectura.

EXPOSICIÓNS TEMÁTICAS

No Frian son moitas as recomendacións lectoras que facemos ao longo do curso. 

Neste primeiro trimestre o día das mulleres escritoras, Samaín e o mes da Ciencia son algunhas das exposicóns temáticas que fixemos para que así sirvan para recomendar algúns dos fondos que temos na nosa biblioteca e que todo o alumnado poida gozar delas tanto na escola como na casa.

SAMAÍN: ESCOLMA DE LENDAS DE VIGO E ARREDORES